Бүгүн балаҕан ыйын 16 күнүгэр Мүрү нэһилиэгэ юбилейдаах 90 сылын көрсө Мүрү сынньалаҥ пааркатыгар тэрээһин эҕэрдэ кэнсиэр буолла.
Нэһилиэк күнүнэн эҕэрдэлээтэ, наҕараадалары туттарда биһи Мүрүбүт нэһилиэгин аҕа баһылыга Прокопий Федотович Румянцев. Ону тэҥэ бар дьонун-сэргэтин тахсан эҕэрдэ тыллары, наҕараадалары туттарда биһиги Уус-Алдан улууһун муниципальнай оройуонун аҕа баһылыга Василий Петрович Алексеев. Мүрү нэһилиэгэ тэриллибитэ 66-с күһүнүн көрсө, улууспут киинэ Бороҕон 90 сылынан эҕэрдэ тыллары эттэ Саха өрөспүүбүлүкэтин бырабыытылыстыбатын бэрэссэдээтэлин солбуйааччыта Сергей Васильевич Местников.
Уонна Уус-Алдан улууһуттан төрүттээх, Саха Сиригэр киэҥник биллэр чаҕылхай ырыаһыттар уонна айар талааннаахтар кэлэн тэрээһиммитин киэргэттилэр. Ону таһынан Саха эстрадатын талааннаах, чаҕылхай ырыаһыттара кэлэн эҕэрдэ кэнсиэрдэрин бэлэхтээтилэр.
Мүрү мааны туоната үүнэ-сайда турдун Бороҕоммут олоҕо өссө тупсан истин!
